top of page
Search

除咗Jennie 之外,鬼怪女主角金高銀其實都係Chanel 品牌大使!

金高銀唔算係一眼美女,但睇多幾眼就會越睇越順眼,越嚟越靚💗

佢都係屬於夏天屬性嘅淡顏美女,唔適合大濃妝,我哋就一齊睇下揀啱咗色同無咁啱季節嘅分別啦!


圖一: 左圖雖然唔算太濃妝,但妝容上的顏色偏深,橙紅帶棕色嘅唇色令金高銀顯得有點成熟;而右圖雖然眼妝好淡,但佢整個人都容光煥發,淡淡地嘅豆沙色就已足夠💄



圖二: 兩套都係粉紅色,但左圖係比較鮮艷嘅粉色,加上比較濃嘅胭脂同唇膏,雖然都係 Chanel Tweed ,但淡粉紅更顯清新自然氣息!



圖三: 有做過 color test 嘅你,應該知同樣都係白色,但都分咗春夏秋冬,左圖偏米黃 dusty 白,感覺會秋天啲;右圖係更 cool tone 嘅白,配上淡淡嘅妝容,令金高銀造型更潔白乾淨俐落。



圖四: 同樣都係有彩度,左圖紅色裇衫彩度好高,即使加咗灰色西裝套裝,但鮮紅色都係好突出,第一時間會睇到衫而唔係金高銀本人。而右圖紫色連身裙飽和度低啲,柔和好多,所以夏天屬性嘅你,揀顏色都要揀淡一點嘅🫶🏻



圖五: 都係 low cut 款色嘅晚裝,紅色同樣令到金高銀睇落更成熟,有少少小朋友著大人衫嘅感覺;相反淡天藍色更加襯佢,高貴大方之餘唔會過分成熟!



圖六: 金高銀嘅身形係好啱著休閑服裝,當 cutting 差唔多嘅時候,右圖啱佢嘅 cool tone based 會令佢更精神;而左圖偏秋天感覺會令佢過分樸素。



圖七: 除咗顏色,材質都有影響,不過影響力唔會好大,除非好似依兩套 outfit 咁;同樣都係偏秋天屬性嘅大地色,左圖係絲絨令面質地,反晒光超搶 focus ,因為秋天同夏天人都係啱啞面,所以就算右圖顏色都係唔太適合,但材質係合適啲,都即刻順眼好多😍



圖八: 都係 Mardi 休閑感嘅 outfit,左圖顏色加材質會令成個感覺好秋天屬性,似係喺屋企著嘅居家服;而右圖係較夏天嘅配色,更容易做到 effortless chic 效果!



圖九: Yellow based 嘅妝容會容易令到 blue based 屬性嘅人會顯得蠟黃,所以揀啱咗胭脂、唇色嘅顏色,即使無好濃嘅眼妝,都能夠顯得明艷照人!



圖十: 左右圖都著咗 blue based 嘅上衣,但左圖配上正紅嘅唇色,加上比較顯色嘅胭脂,偏向冬天嘅妝容,顯得比較濃妝豔抹;所以如果屬於夏天嘅你,要出席隆重少少嘅場合,都唔需要大紅唇,只要眼尾加重少少,粉嫩顯色一點嘅唇色就已經足夠!


Kommentare

Kommentare konnten nicht geladen werden
Es gab ein technisches Problem. Verbinde dich erneut oder aktualisiere die Seite.
bottom of page