Yuqi 係屬於 Bright Spring ，同 Minnie 都好似，係需要鮮艷嘅顏色去做對比，不過 Minnie 就適合 cool tone ，而 Yuqi 就適合 warm tone ，即係 yellow based 🧡
圖一: Yuqi 嘅形象一直都係鄰家女孩，佢黑髮嘅時候對佢印象真係唔深刻；但當佢染咗粉橙色髮色之後，整個形象都鮮明咗好多，尤其係揀啱咗嘅髮色同妝容，佢活潑調皮嘅形象就更易令人對佢留下深刻印象🧡
圖二: 雖然左右圖兩種配搭都係偏 Winter ，因為左圖係黑白配，而右圖係白色配 blue based accent 粉紅色，明顯見到 Yuqi 比較襯淺色！左邊本身件衫係 oversized 再加上黑色，就會好似衫著人，唔係人著衫。
右邊白色加上鮮色嘅搭配，Yuqi 成個人都 sharp 啲😉
圖三: (G)I-DLE 整隊風格都偏 Y2K style ，雖然 Yuqi 本身係偏可愛調皮形象，但如果顏色夠鮮艷，佢都係可以駕馭到。
左圖頭髮顏色偏淺(接近白色)，加上正紅色係偏 cool tone ，所以就算上咗唇膏，佢都偏蒼白；而右圖加咗橙色做 highlight ，加上髮色無咁淺同埋橙紅唇色，Yuqi 會有血色好多！
圖四: 即使同樣都係 warm tone / yellow based ，Autumn 比 Spring 嘅飽和度會低一點，Yuqi 著咖啡色感覺會成熟咗啲；右圖即使係著咗較成熟品牌 Fendi 嘅套裝，但只要係顏色啱佢，都會即刻充滿活力，尤其再加上比較 sharp 色嘅妝容😍
圖五: Yuqi 嘅妝容通常都彩度好夠，佢算係比較明顯睇得出一用偏淡嘅顏色，就會太素，無乜血色！兩張圖同樣係白色衫，但右圖用有色嘅唇膏即刻精精神好多，左圖即使係全妝，但都係覺得有啲蒼白
圖六: 左圖即使著咗啱佢嘅粉色，但髮色同帽都太深色，唔能夠突出佢嘅性格；再一次強調右圖嘅粉橙髮色真係好襯佢，揀啱咗髮色同髮型，就真係著咩都會好睇😉
圖七: 左圖全灰嘅造型，即使係化咗全妝，都會覺得有啲太樸素；相反著啲啱佢嘅粉嫩色，加上橙紅髮色同唇色，就算係簡單嘅衛衣，都會顯得元氣🈵🈵
圖八: 左邊嘅黑白配，黑色沾大面積，加上偏淡色金髮，所以對於 Yuqi 嚟講，彩度完全唔夠；右邊雖然著咗偏 cool tone 嘅檸檬黃，但橙髮加上唇妝，都令彩度🆙，自然睇落更加精神！
圖九: 兩邊都係霧面金髮，左邊用咗好深嘅唇色，再加上灰色上衣，令 Yuqi 顯得有啲憔悴；右邊因為唇色明度高一點，另外加咗 account color 去highlight 套outfit ，佢即刻會精神番！
圖十: 再一次黑色會把Yuqi 呑沒，黑髮加黑衫都係 Bright Spring 比較 worse 嘅打扮；一染番橙紅髮，再加上夠彩度嘅上衣，佢嘅辨色度即刻🆙
PS: 其實 Yuqi 大部分妝容都係有彩度嘅唇色，所以比較容易睇到髮色同衣服顏色對佢影響！如果你都係屬於春天，都可以參考一下適合佢嘅彩妝同髮色😉
コメント