大家對孫藝珍嘅印象，應該係佢會笑嘅眼睛，比較甜美嘅笑容，正正就係夏天美女們會有嘅氣質。
強烈對比度喺佢身上好唔適合的，佢唔需要有衝突嘅對比咁，比較適合嘅反而係飽和度比較低，淡淡然嘅顏色就更突顯佢嘅女神氣質！
圖1: 左邊衣服係大地色系，加上比較濃嘅眼妝同大紅嘴(妝容係較冬季)，即刻覺得佢老咗幾歲😅，亦覺得好似好 meant 咁。右邊淡妝加 cool tone 淡唇色，加上偏淡粉色嘅上衣，配上精緻嘅首飾，完美嘅女神終於番嚟！
圖2: 左邊嘅連身裙顏色和圖案加上妝容都是偏秋天，雖然隔離都係老公玄彬，女神笑容都係好甜，但右邊嘅 outfit 同妝容都較夏天，感覺更接近佢原有嘅氣質。
圖3: 左邊雖然佢入面襯咗啱佢嘅 cool tone 粉紫色，但加上咗線條俐落強勢嘅西裝褸，會令人覺得有啲同佢本人格格不入。所以你哋成日問下半身啊、外套啊？係咪無咁重要？的而且確係無咁影響我哋個樣，但一件單品唔同咗，就會影響整個造型嘅感覺，左邊加咗一件褸就會變成較 winter！所以整體造型都好重要！
圖4: 左邊連身裙雖然係 cool tone ，但彩度較高，加上大紅唇，女神雖然好白，但你會覺得係好蒼白，同佢有少少格格不入。反而右邊淡一點嘅藍色，即使無左邊華麗攞好 pose 嘅照片，還是覺得佢日常照片較美艷動人❤️
圖5: 左邊嘅深紫紅色實在太深、彩度也不低，即使孫藝珍已經係化淡妝，但都係略為成熟咗，條裙會搶咗佢嘅focus。而右邊針織淺色一啲嘅藍，配上淡妝加淺一點嘅髮色，即刻容光煥發😍
圖6: 再一次證明深色，尤其係黑色真係唔係咁適合孫藝珍，似係衫著人嘅感覺🥲
換咗中灰嘅外套，雖然黑白灰造型本身都唔係咁適合佢，但已經比全套黑色感覺更適合佢，如果下身換咗淺色，應該會更加好睇！
圖7: 上一張圖可能你會話關唔關笑容事，因為右邊有佢招牌笑容！好，咁睇埋依兩張，兩張都收起咗笑容，但右邊係著咗比黑色無咁 aggressive 嘅灰藍外套，加上cool tone 妝容，搖身一變，變咗性感女郎，但亦都保留左孫藝珍原本高貴嘅氣質！
圖8: 睇到最後一張，我諗大家都完全明白咩叫做淡顏美女，同埋明白點解夏天屬性嘅人，一化紅唇就會俾人話濃妝抹豔！
自然、淡淡然、cool tone 嘅偽素顏 look 就係最適合夏天屬性嘅你！
Comments